இங்கிலாந்துக்கு எதிரான முதல் ஒருநாள் கிரிக்கெட்: டாஸ் வென்ற இந்திய அணி முதலில் பந்து வீச முடிவு

விராட்கோலி தலைமையிலான இந்திய கிரிக்கெட் அணி, இங்கிலாந்தில் சுற்றுப்பயணம் செய்து விளையாடி வருகிறது. 20 ஓவர் தொடரை 2-1 என்ற கணக்கில் கைப்பற்றிய இந்திய அணி அடுத்து 3 போட்டிகள் கொண்ட ஒரு நாள் தொடரில் பங்கேற்கிறது. இதன்படி இந்தியா-இங்கிலாந்து அணிகள் இடையிலான முதலாவது ஒருநாள் கிரிக்கெட் போட்டி நாட்டிங்காமில் இன்று நடைபெறுகிறது. 

இப்போட்டியில் டாஸ் வென்ற இந்திய அணியின் கேப்டன் விராட் கோலி, முதலில் இங்கிலாந்து அணியை பேட் செய்யுமாறு பணித்தார். அதன்படி இங்கிலாந்து அணி முதலில் பேட்டிங் செய்து வருகிறது.  20 ஓவர் தொடரில் அசத்திய இந்திய வீரர்கள், ஒரு நாள் தொடரிலும் மிரட்டுவார்கள் என்று எதிர்பார்க்கப்படுகிறது.  பலம் வாய்ந்த இரு அணிகள், பேட்டிங்குக்கு சாதகமான மைதானத்தில் கோதாவில் இறங்கி இருப்பது,  ரசிகர்களுக்கு ரன்விருந்து காத்திருக்கிறது என்பதில் சந்தேகமில்லை.


Google+LinkedinYoutube