Android Pie: அசத்தலான அம்சங்களுடன் ஆண்ட்ராய்ட் பை அறிமுகம்

ஆண்ட்ராய்ட் இயங்குதளத்தின் புதிய வெர்ஷன் ஆண்ட்ராய்ட் பை என்ற பெயரில் அறிமுகமாகியுள்ளது. 

பரவலாக ஸ்மார்ட்போன் மற்றும் டேப்லெட்களில் பயன்படுத்தப்படும் ஆண்டராய்ட் இயங்குதளம் ஆங்கில எழுத்துகளை முதல் எழுத்தாகக் கொண்ட பெயருடன் அறிமுகமாகி வருகிறது. குறிப்பாக, ஒவ்வொரு வெர்ஷனின் பெயரும் உணவுப் பொருள் ஒன்றின் பெயரிலேயே இருக்கும். 

கூகுள் நிறுவனத்திற்குச் சொந்தமான ஆண்ட்ராய்ட் கடைசியாக வெளியிட்டது ஆண்ட்ராய்ட் ஓரியோ (Android Oreo). இந்நிலையில் புதிய ஆண்ட்ராய்ட் வெர்ஷன் ஆண்ட்ராய்ட் பை (Android Pie) என்ற பெயரில் அறிமுகம் செய்யப்பட்டுள்ளது. 

இந்த ஆண்ட்ராய்ட் வெர்ஷனின் பெயர் பிஸ்டாசியோ ஐஸ் கிரீம் (Pistachio ice cream) என இருக்கலாம் என்று கூறப்பட்ட நிலையில் அதற்கு மாறாக புதிய பெயர் அறிவிக்கப்பட்டுள்ளது. ஹோம் ஸ்கிரீல் லேசாக ஸ்வைப் செய்தால், அதிகம் பயன்படுத்தும் அப்ளிகேஷன்கள் தோன்றுவது, மேல் நோக்கி ஸ்வைப் செய்து டாப் செய்தால் கூகுள் சர்ச் திறப்பது போன்ற பல அம்சங்கள் இதில் இருக்கும் என்று தகவல் வெளியாகியுள்ளது. 

இத்தகவல் வெளியான உடனேயே அடுத்த வெர்ஷனான ஆண்ட்ராய்ட் க்யூ (Android Q) என்ன பெயரில் வரும் என்று நெட்டிசன்கள் யோசிக்கத் தொடங்கியுள்ளனர். 

Google+LinkedinYoutube